Nú er ný lokið fundi hjá Lögreglufélagi Reykjavíkur um fyrirhugaðar vaktkerfis breytingar hjá LRH. Um 50 manns sóttu fundinn og var greinilegt að mikill hluti fundarmanna hugnaðist illa að fara á 12 tíma vaktkerfi.

Margt var rætt og margar hugmyndir komu fram um hvernig væri hægt að leysa fjárhagsvanda LRH en enginn ályktun var samþykkt á fundinum. Þó var því komið á framfæri við Geir Jón Þórisson að yfirstjórn LRH væri hvött til að skoða hvort fyrirhugaðar skipulagsbreytingar væru ekki mögulegar með 8 tíma vaktkerfi og kvaðst Geir Jón ætla að koma því á framfæri.

Það skal ítrekað að það er skoðun Lögreglufélags Reykjavíkur að ef koma á nýtt vaktkerfi þarf að kjósa um það. Umræða hefur verið að koma eigi nýtt vaktakerfi með 12 tíma vinnutíma. Ljóst er að ef þannig vaktkerfi á að koma þarf að kjósa milli þess sem fyrir er og hins nýja. Rétt er að minna á orð Geir Jóns Þórissonar, yfirlögregluþjóns og Árna Þórs Sigmundssonar, aðstoðaryfirlögregluþjóns á fundi yfirstjóranar með fulltrúm vakta í almennudeild og fulltrúm LR, að það standi ekki til að þvinga á vaktkerfi því skv. kjarasamningum þurfi að kjósa um það.

Sjá nánar:

 http://www.logreglufelag.is/index.php?option=com_content&task=view&id=176&Itemid=1

http://www.logreglufelag.is/index.php?option=com_content&task=view&id=210&Itemid=1

Lögreglufélag Reykjavíkur boðar til fundar.

 

Efni fundarins er álag á lögreglumenn og sérstaklega ætlað þeim lögreglumönnum sem hafa verið í mannfjöldastjónunarhópum og þeim sem voru á vettvangum óeirða síðusta daga. Að sjálfsögðu eru allir lögreglumenn velkomnir.

Framsögu hafa sr. Kjartan Örn og Rúnar Andrason, sálfræðingur. 

Fundurinn fer fram í safnaðarheimili Fríkirkjunnar í Reykjavík, Laufásvegi 13, þriðjudaginn 3. febrúar, kl.16:00 

Það er skoðun stjórnar Lögreglufélags Reykjavíkur að Landssamband lögreglumanna eigi að kanna hug lögreglumanna til úrsagnar úr BSRB.

Að gefnu tilefni er rétt að benda á ályktun sem formaður og varaformaður LR báru upp á 27. þingi LL ásamt Guðmundi Fylkissyni. Ályktunin var samþykkt og er hún eftirfarandi:

"XXVII. þing LL haldið í Munaðarnesi 2. - 4. maí 2006 felur stjórn LL að fara í vinnu er lýtur að úrsögn úr BSRB."

Eftirfarandi ályktun er enn í gildi og leggur fyrir stjórn LL að fara í þessa vinnu.

Landssamband lögreglumanna hefur birt launatöflu sem gildir frá 1. nóv 2008.

 Launatöfluna má sjá á eftirfarandi: http://www.ll.bsrb.is/skjol/launatafla_20081101.xls

Það er fróðlegt fyrir þá sem kynna sér launatöfluna að geta þess að hámarks atvinnuleysisbætur eru kr. 220.729 miðað við óskerta tekjutengda atvinnuleysistryggingu. Grunnlaun lögreglumanns eftir skóla er kr. 201.502.