Starfsmannastefna LRH er algjörlega verðlaust plagg. Fjölskyldum lögreglumanna er haldið í gíslingu þar sem sumarfrí eru í lausu lofti nú þegar rétt rúmur mánuður er í að orlofstímabilið hefist. Lögreglumönnum er ekki gert kleift að skipuleggja frítíma sinn með meira en mánaðar fyrirvara en þeir sem þekkja til vita hvað mikilvægt er fyrir vaktavinnufólk að geta skipulagt sig fram í tímann. Líf fjölskyldu lögreglumanna snýst um samræmingu við vaktkerfi þeirra. Í því kerfi sem búið er að boða er ógjörningur fyrir fjölskyldur lögreglumanna að gera einhverjar langtíma áætlanir og allt það sem makar lögreglumanna hafa lagt á sig til að aðlaga sína vinnutíma að lögreglumannsins er til einskis og fjölskyldulíf lögreglumanna er í uppnámi.

Vegna tölvupósts sem Hörður Jóhannesson sendi öllum lögreglumönnum hjá LRH og sagt var að fyrirhugaðar breytingar væru gerðar í nokkru samráði við forystumenn Lögreglufélags Reykjavikur er rétt að taka fram að það er RANGT. Vissulega hafa Óskar Sigurpálsson, formaður LR og Arinbjörn Snorrason, gjaldkeri LR setið marga fundi með yfirstjórn LRH. Á þeim fundum hafa þeir ítrekað komið með ýmsar athugasemdir og lýst áhyggjum sínum af framkvæmdinni en EKKERT hefur verið tekið tillit til orða þeirra. Því er RANGT hja Herði að fyrihugaðar breytingar séu í nokkru samráði við forystumenn LR.

Rétt er að ítreka að það sem áður hefur komið fram hér á vefnum að allt er varðar fyrirhugaðar breytingar og er i nafni Lögreglufélags Reykjavikur kemur frá stjórnarmönnum félagsins eða er birt hér á vefnum. YFIRSTJORN LRH TALAR EKKI MÁLI Lögreglufélags Reykjavíkur .

Það er skoðun Lögreglufélags Reykjavíkur að ef koma á nýtt vaktkerfi þarf að kjósa um það. Umræða hefur verið að koma eigi nýtt vaktakerfi svokallað valfrjálst vinnutímakerfi. Ljóst er að ef þannig vaktkerfi á að koma þarf að kjósa milli þess sem fyrir er og hins nýja. Rétt er að minna á orð Geir Jóns Þórissonar, yfirlögregluþjóns og Árna Þórs Sigmundssonar, aðstoðaryfirlögregluþjóns á fundi yfirstjóranar með fulltrúm vakta í almennudeild og fulltrúm LR, að það standi ekki til að þvinga á vaktkerfi því skv. kjarasamningum þurfi að kjósa um það. Það hlítur að vera eðlileg krafa undirmanna að yfirmenn (yfrlögrelguþjónn almennudeildar og aðst.yfirlögregluþjónn almennudeildar) standi við fyrri yfirlýsngar, og ekki síst þær sem þeir kröfðu LR um að ítreka orð sín.

Sjá nánar:

 http://www.logreglufelag.is/index.php?option=com_content&task=view&id=176&Itemid=1

http://www.logreglufelag.is/index.php?option=com_content&task=view&id=210&Itemid=1