Í dag féll dómur í Héraðsdómi Reykjavíkur þar sem segja má að sótt hafi verið að störfum lögreglumanna sem voru á vettvangi. Í stuttu máli má segja að Héraðsdómur Reykjavíkur hefur ekkert út á störf lögreglumanna á vettvangi að setja og stóðu þeir sig með sóma. Þetta er fróðlegur dómur þar sem málið fékk nokkra umfjöllun í fjölmiðlum þar sem blaðamaður fjallaði nær eingöngu um hlið hins kærða og virtist ekki hafa kynnt sér málið til hlítar t.d. skuldbindingar Íslands við sendiráð erlenda ríkja hér á landi. 

 Hér gefur að líta umfjöllun umfjöllun Fréttablaðsins á sínum tíma og augljóst að fréttamaður spyr hinn kærða engra áleitinna spurninga:  http://www.visir.is/article/2010109910842 

Það er fróðlegt að sjá hvort þetta mál fái einhverja umfjöllum hjá Fréttablaðinu yfirleitt fyrst þetta var niðurstaðan?  

Hér má sjá dóm Héraðsdóms Reykjavíkur:  http://www.domstolar.is/domaleit/nanar/?ID=S201000346&Domur=2&type=1&Serial=1&Words= 

Hér gefur að líta umfjöllum mbl.is um dómsniðurstöðuna:  http://www.mbl.is/mm/frettir/innlent/2010/07/09/neitadi_ad_faera_sig_yfir_gotu/ 

Stjórn Lögreglufélags Reykjavíkur boðar til aðalfundar þriðjudaginn 18. maí, kl. 17 í félagsheimili LR að Brautarholti 31, jarðhæð.

1.   Fundarsetning.
2.   Kosning fundarstjóra.
3.   Kosning fundarritara.
4.   Skýrsla stjórnar.
5.   Reikningar félagsins.
6.   Reikningar Lögreglusjóðs og Sjúkrasjóðs
7.   Kosning fulltrúa og jafn margra varafulltrúa í eftirtaldar stjórnir og nefndir:

a) 3 menn í stjórn Lögreglusjóðs.
b) 3 menn í minningarsjóð Erlings Pálssonar.

8.   Kosning kjörstjórnar sbr. 8 gr. laganna.
9.   Kosning tveggja skoðunarmanna reikninga og tveggja til vara.
10. Lagabreytingar.
11. Önnur mál.
12. Fundarslit.

Lögreglufélag Reykjavíkur auglýsir eftir þingfulltrúum fyrir hönd svæðisdeildarinnar á 30. þing Landssamband Lögreglumanna sem verður haldið 27. til 29. apríl að Geysi í Haukadal. Lögreglufélag Reykjavíkur á rétt á 15 fulltrúum á þingið að þessu sinni. Allir lögreglumenn hjá RLS, LRH, LSR og sérstökum saksóknara eru hæfir sem fulltrúar fyrir hönd svæðisdeildarinnar.

Auglýst er eftir 15 þingfulltrúm og 2 til vara.

Áhugasamir hafi samband við Karl Jóhann fyrir 13. apríl á Þetta netfang er varið fyrir ruslrafpósti, þú þarft að hafa Javascript virkt til að skoða það

Sjá nánar um þing LL í V. kafla lögum félagsins á eftirfarandi tengli: http://www.ll.bsrb.is/umll/logll

Birkilundur

SUMARLEIGAN ER AÐ HEFJAST

UMSÓKNAREYÐUBLÖÐ LIGGJA FRAMMI ÍUMFERÐARDEILD Á LÖGREGLUSTÖÐINNI HVERFISGÖTU 113-115

FYRSTA VIKA TIL ÚTLEIGU ER VIKAN 21-28 MAÍ.UMSÓKNUM SKAL SKILA Í ÞAR TIL GERÐAN KASSA Í UMFERÐARDEILD,

EIGI SÍÐAR EN MÁNUDAGINN 26.apríl

EF FLEIRI EN EIN UMSÓKN BERST UM SÖMU VIKUNA VERÐUR DREGIÐ ÚR UMSÓKNUM.

FÉLAGSMENN LR HAFA FORGANG VIÐ ÚTHLUTUN.

(Þeir sem fengu úthlutun sumarleigu í fyrra sitja hjá við úrdrátt nemaað enginn önnur umsókn berist um vikuna)

VERÐ Á VIKULEIGU ER 15.000kr-

 frá 21. maí til 3 sept.  verðurbústaðurinn einungis leigður út viku í senn

Nánar um Birkilund á:  www.logreglufelag.is/index.php?option=com_content&task=view&id=43&Itemid=68

Félagsfundur hjá Lögreglufélagi Reykjavíkur haldinn 22.03.2010 ályktar eftirfarandi vegna breytinga á vinnutíma og breytinga á rekstri lögreglustöðva;

Fundurinn leggur til að horfið verði frá núverandi fyrirkomulagi löggæslu á Höfuðborgarsvæðinu tafarlaust. Tekið verði upp fyrra fyrirkomulag, ein aðallögreglustöð og fimm vakta kerfi, sem rúmast innankjarasamnings LL og ríkisins.  

Samþykkt með lófaklappi. 

Nú er nýlokinn fjölmennur félagsfundur LR sem fram fór í húsnæði BSRB að Grettisgötu 89.

Snorri Magnússon, formaður LL kom og fór yfir stöðu mála í kjaraviðræðum og voru fundarmenn mjög óánægðir með áhugaleysi SNR og viljaleysi ríkisins til að semja við lögreglumenn.  

 Snorri reifaði nýfallinn dóm félagsdóm. 

Einnig var rætt um skipulagsbreytingarnar sem gerðar voru s.l. sumar hjá lögreglustjóranum á höfuðborgarsvæðinu (LRH) og upptöku svokallaðs valfrjáls vinnutíma og þess álags sem verið hefur á lögreglumenn frá því breytingarnar tóku gildi og þeirrar undirmönnunar sem vart hefur orðið. Á fundinum kom greinilega fram sú skoðun manna að þessar breytingar hefðu tekist illa og lögreglumenn útkeyrðir af álagi. Nokkur dæmi voru nefnd þess efnis að menn væru á endalausum snúningum með svefninn.

Fundarmönnum var kynnt þau mótmæli sem LR hefur viðhaft vegna nýlegra ráðninga hjá embættinu. Það var tekið skýrrt fram að þessu væri alls ekki beint gegn því ágæta fólki sem hafði verið ráðið heldur yfirstjórn LRH og þá sérstaklega Stefáni Eiríkssyni, lögreglustjóra. Fundarmönnum var kynnt að það hefði margoft komið fram í vinnu fulltrúa LR með yfirstjórn LRH að skipulagsbreitingarnar ættu að tryggja lausráðna fólkinu áfram vinnu. Fundarmenn voru einnig minntir á orð Stefáns Eiríkssonar í Kíwanis húsinu sl. vor þegar hann spurði funarmenn hvort þeir ætluðu að verða þess valdandi að þessu fólk (og benti út í sal) yrði sagt upp. Reyndin var síðan önnur þar sem fjórir voru ekki ráðnir þrátt fyrir loforð lögreglustjóra.

Formaður LR kynnti fundarmönnum framkomu og viðmót yfirstjórnar LRH í þeirri vinnu sem hann hefur verið í fyrir hönd LR vegna skipulagsbreytinganna og eftirköst þeirra. Kvað hann að á ýmsu hefði gengið og hann verið sakaður um ýmislegt m.a. að standa í vegi fyrir framþróun innan LRH og að vera að hefna sín á embættinu og framkoma yfirmanna verið fyrir neðan allar hellur og greinilegt að það vantar eitthvað upp á sjálfsstjórn sumra yfirmanna hjá LRH. Formaður LR kvaðst ekki ætla að sitja fleiri fundir fyrir hönd LR með yfirstjórn LRH eins og hún er skipuð í dag.

Það kom skýrt fram hjá fundarmönnum að sú stjórnunaraðferð sem yfirstjórn LRH notar í dag huggnast mönnum illa. Núverandi stjórnunarhættir yfirstjórnar LRH eru verulega íþyngjandi fyrir starfsmenn og byggir upp spennu, sem síðan mun endurspeglast í auknum veikindum.   

Fundurinn ákvað að meðan ekkert miðast í kjaraviðræðum mun LR boða til félagsfundar á hinum ýmsu tímum sólarhringsins eins oft og þurfa þykir og kynna félagsmönnum stöðu mála hvað varðar kjaraviðræður. Stjórn LR harmar virðingarleysið sem lögregumönnum er sýnt af hálfu samningarnefndar ríkisins. Stjórnvöld virðast þrátt fyrir fögur orð ekki vilja beita sér fyrir sátt hvað varðar kjaramál lögreglumanna.